“Tko pjeva zlo ne misli” film je šteroga bi mogli gledeti vsaki dan. Ne same zate jer je genijalen i zabaven, nek i zate jer z njega moremo dosta toga nafčiti. Kak su, recimo, pravila ljepog ponašanja gda ideme k nekomu doma i gda nešči dohaja k nam. Napisali sme 5 pravila ponašanja kak se ponašati, a moreju se videti vu filmu.
- Gda ti dojdu gosti, nije lepo prejti vu gostionu
Gda je Mina došla na obed, njejni šogor Franjo Šafranek sred jela se zdigel od stola i odišel prek k Žnidaršiću. Nije se Mina radi toga nafurila jer je bila okuperana z finim komadom mesa vu rukami, ali tak se zdiči od stola i prejti vu gostionu sigurno nije nekaj kaj se dela gda nam nešči dojde k hiži.
- Nije ljepe da gost ofira gazdaricu gda je njejni muž doma
Gazdaricu nije ljepe ofirati ni gda muž nije doma, da se razmeme. Ali gospona Fulira je ljepa Ana Šafranek tulike zasljepila da je pozabil vsa pravila bontona.
- Gazdaricu je ljepe pofaliti za hranu šteru je skuhala
Gda je gospon Fulir došel k Šafranekima, nije došel jest, ali je ipak ostal na obedu jer mu se šaran šteroga je Ana pripravila jake dopal. Gda je pojel, pofalil je gazdaricu da je šaran bil hude fini.
- Nije ljepe kuharici prigovarati radi jela
Mina, teca maloga Perice, skore da već ni bila gošča pri sestri Ani, već je postala kak namještaj i još se k tomu ponašala preveć slobodno i nepristojno. Gda je došla k sestri na obed, prigovarala joj je da zakej je skuhala grašak, a zna da ga ona nema rada, a skore vsaki dan je k njoj dohajala na obed zabadav.
- Gosta nije ljepe vređati
Franjo Šafranek si je voljel male dublje poluknuti vu kupicu. Gda bi se napil, znal je biti hude neugodan kaj sme mogli videti kak se je ponašal prema gosponu Fuliru. Franjo onda ni pazil kaj pripoveda pa je Fulira provociral da nič ne zna i da zna popevati „ko stara cipela“
